Apple’нинг иккинчи бош қароргоҳи қурилишининг янги фотосуратлари эълон қилинди

MacGeneration сайти Apple компаниясининг Apple Campus 2 номи остида Калифорнияда қурилаётган бош қароргоҳининг янги фотосуратларини эълон қилди, деб ёзади TJournal.

Муаллифлар айтишича, бинода 130 минггача киши ишлаши мумкин. Шунингдек, бош қароргоҳда 11 минг квадрат метрлик театр ҳам бўлади, унга минг киши сиғади.

Иншоотнинг умумий майдони 26 минг квадрат метрни ташкил қилади. Жами еттита қаватни қуриш режалаштирилмоқда, уларнинг учтаси ер остида жойлашади. Бинони айланиб ўтиш учун деярли икки километр йўл босиш керак бўлади.

Бош қароргоҳ устидаги ишлар 2013 йилда бошланган эди. Бинони қуриш ва жиҳозлашни Apple 2017 йилда якунлашни кўзда тутмоқда.