Apple Watch «ақлли» соатлари савдоси Янги йил байрами арафасида кескин ўсди ва гаджетнинг бутун тарихи давомидаги янги рекордни ўрнатди. Бу ҳақда Apple компанияси раҳбари Тим Кукка таяниб, «РБК» хабар берди.
«Савдолар ҳажмининг ўсиши чегарадан ташқарига чиқди. Байрамолди шопингнинг биринчи ҳафтасидаёқ Apple Watch савдолари ҳажми ушбу маҳсулот чиқарилган вақтдан буён ҳар қандай ҳафтадагидан каттароқ бўлди», — деди Кук.
Apple раҳбари таъкидлашича, «ақлли» соатлар бу йил «энг оммабоп совғалардан бири»га айланиши мумкин, шу сабабли компания Apple Watch тарихидаги энг яхши чоракка тайёрланмоқда.
Кук савдолар ҳажми бўйича аниқ рақамларни келтирмади. Аввалроқ IDC тадқиқот компанияси 2016 йилнинг учинчи чорагида Apple Watch савдолари 2015 йилнинг шу даврига нисбатан 71 фоизга тушиб кетиб, 1,1 миллион донани ташкил қилганини айтган эди.
Изоҳ (0)