Франция парламентининг молия бўйича комиссияси Airbnb’га ўхшаш онлайн-сервисларга 2019 йилдан солиқ органларига ўз фойдаланувчилари даромадлари ҳақидаги маълумотларни тақдим этиш мажбуриятини юклайдиган тузатишни қабул қилди, деб ёзади TJournal.
Тузатиш муаллифи социалист депутат Паскаль Шерки онлайн-сервислар даромадлари камдан-кам декларация қилиниши ва солиқ органлари томонидан назорат қилинишини, бу эса юридик тартибсизлик, ноҳалол рақобатга ҳамда давлат томонидан фойданинг қўлдан бой берилишига олиб келишини айтди.
Тузатиш Франция ҳудудида фаолият олиб борувчи ҳар қандай интернет майдонларга тааллуқлидир. Airbnb сервисидан ташқари, Drivy каршеринг сервиси ва Leboncoin интернет-эълонлар сайтига ҳам солиқ маълумотларини тақдим этиш мажбурияти юкланади.
Airbnb — қисқа муддатли ижара учун қидирув ва реклама жойлаш учун майдон.
Изоҳ (0)