Ўзбекистон Республикаси Ташқи ишлар вазири Абдулазиз Камилов бошчилигидаги делегация Германиянинг Гамбург шаҳрида бўлиб ўтадиган Европада хавфсизлик ва ҳамкорлик ташкилоти Ташқи ишлар вазирлари кенгашининг навбатдаги мажлисида иштирок этади. Бу ҳақда Ўзбекистон ТИВ матбуот хизмати хабар берди.
2016 йилнинг 8—9 декабрь кунлари бўлиб ўтадиган ушбу мажлисда Германиянинг ЕХҲТдаги раислиги якунланади.
Ўзбекистон делегацияси Гамбург шаҳрида ЕХҲТ аъзо мамлакатлари делегациялари раҳбарлари билан қатор икки томонлама музокаралар ўтказишни режалаштирмоқда.
Эслатиб ўтамиз, 7 декабрь куни Марказий Осиёнинг 5 мамлакати ва АҚШнинг ташқи сиёсат идоралари раҳбарларининг «C5+1» шаклидаги учрашуви ҳам бўлиб ўтади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)