The Royal Bank of Scotland (RBS Group) акциядорларни чалғитиш борасидаги айбловлар муносабати билан 800 миллион фунт стерлинг (1 миллиард доллар) миқдорида товон пули тўлайдиган бўлди. Бу ҳақда, Bloomberg агентлигига асосланиб, «ТАСС» хабар бермоқда.
Айтилишича, TBS беш акциядорлар гуруҳининг учтаси билан келишувга эришди, қолганлари билан музокаралар давом этмоқда.
RBS Буюк Британиянинг молиявий инқироздан энг катта зарар кўрган молиявий ташкилотларидан бири бўлди ва ҳукуматдан 46 миллиард фунт стерлинг миқдорида ёрдам олди. Бунинг натижасида давлат банкнинг энг йирик акциядорига айланди.
Акция эгаларининг даъвосига кўра, 2008 йилда банк капитални қўллаб-қувватлаш мақсадида қўшимча маблағ киритишни сўраб уларга мурожаат қилиб, молиявий аҳволи юзасидан янглиш маълумотлар тақдим этган. Акциядорларга банкнинг янги акцияларинин донасига 2 фунт баҳосида харид қилиш таклиф этилган, ваҳоланки жаҳон молиявий инқирозидан сўнг акциялар қиймати бир неча баробарга тушиб кетган эди.
Изоҳ (0)