Футбол бўйича Англия Премьер-Лигасининг 14-тури доирасида «Ливерпуль» ва «Манчестер Юнайтед» клублари ҳам ўйин ўтказди. Шанба оқшомида бўлиб ўтган етти ўйин натижаси шу ҳаволада келтирилган.
Юрген Клопп бошчилик қилаётган «Ливерпуль» футбол клуби «Борнмут» майдонида 3:1 ҳисобида юта туриб, якунда 3 та гол ўтказиб юборди ва мағлуб бўлди.
Бунга қадар «Арсенал», «Тоттенҳэм», «Лестер», «Челси», «Манчестер Юнайтед» каби клубларга қарши тўп суриб, бирор марта мағлуб бўлмаган «Ливерпуль», «Б» ҳарфи билан бошланадиган Премьер-Лиганинг ҳар икки клубидан енгилди. Жамоа мавсумнинг 2-турида «Бёрнли»га 0:2 ҳисобида имкониятни бой берганди.
Жозе Моуриньо бошчилик қилаётган «Манчестер Юнайтед» клуби эса «Эвертон» майдонида очко йўқотди. «Қизил иблислар» Ибраҳимовичнинг биринчи бўлимдаги голи билан олдинга ўтиб олган бўлса-да, ўйиннинг асосий вақти якунига 1 дақиқа қолганида ғалабани қўлдан чиқарди.
14-турдан кейин Лондоннинг икки клуби турнир жадвалини бошқариб турибди. «Манчестер Юнайтед» эса бешликда бораётган клублардан 6 очко ортда қолишни бошлади.
Англия Премьер-Лигаси 14-тур беллашувлари 4 декабрь, якшанба
«Борнмут» — «Ливерпуль» 4:3
Голлар: Садио Мане, 20 (0:1). Дивок Ориги, 22 (0:2). Каллум Уилсон, 56-пен (1:2). Эмре Жан, 64 (1:3). Райан Фрейзер, 76 (2:3). Стив Кук, 79 (3:3). Натан Аке, 90+3 (4:3).«Эвертон» — «Манчестер Юнайтед» 1:1
Голлар: Златан Ибраҳимович, 42 (0:1). Лейтон Бейнс, 89-пен (1:1).5 декабрь, душанба«Мидлсбро» — «Халл Сити»
Изоҳ (0)