Антарктидада ҳозирда ҳашаротларнинг атиги уч тури истиқомат қилади, бироқ ўтмишда улар анчагина кўп бўлган. Амеикалик олимлар музликлардан биридан ёши 14 миллион йилдан ошиқ бўлган қўнғиз қолдиқларини топди. Бу ҳақда National Geographic хабар бермоқда.
Тадқиқот Шимолий Дакота университети ва Смитсон институти мутахассислари томонидан ўтказилди ва унинг натижалари ZooKeys журналида чоп этилди. Ҳашаротнинг тошқотган қанотлари Бирдмор музлиги ҳудудидан топилди.
Топилмага Antarctotrechus balli дея ном берилди. Қўнғизлар мазкур ҳудудда 14—20 миллион йил аввал, Антарктида иқлими илиқроқ ва ўсимликлар билан қопланган даврларда яшаган.
Кашфиёт Ер тарихини ўрганишга муҳим ҳисса қўшади. Ҳозирда Антарктика фаунаси атиги уч ҳашарот — Glaciopsyllus antarcticus бургаси, Belgica antarctica чивини ва Camponotus werthi чумолиларидан иборат, холос. Уларнинг ҳеч бири учмайди. Олимларга кўра, Antarctotrechus balli ҳам учмайдиган ҳашаротлардан бўлган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)