Европа коинот агентлиги (ESA) кенг тарновлар билан ажралувчи ғаройиб блоклар пайдо бўлган Марс юзаси фотосини эълон қилди. Бу ҳақда «Hi-Tech Mail.ru» хабар бермоқда.
Сурат сайёранинг шимолий пасттекисликларидаги Утопия текислиги ҳудудида олинган. Лабиринт Adamas Labyrinthus номини олди. Ушбу юзада кенглиги 5 дан 20 километргача бўлган турли шаклдаги блокларни кўриш мумкин. Фото Mars Express орбитал станциясидан олинди.
Олимлар блоклар доимий тектоник фаоллик ва муз қатламлари туфайли пайдо бўлганини тахмин қилди. Бунга ўхшаш блоклар Ерда, океанлар тубида ҳам мавжудлиги билдирилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)