Жанубий Африка Республикасида бегемот автомобилга ҳамла қилиб, унга жиддий шикаст етказди. Бу ҳақда UPI агентлиги хабар берди.
26 ёшли Викус Серони ўз йўлтанламасида Мозамбикдан қайтаётган эди. Крюгер миллий боғидаги кўприкка яқинлашаётганида у бегемотни кўрди, бироқ унга аҳамият бермади. Эркак жонивор одамларга кўникиб қолган ва унга эътибор қаратмайди, дея тахмин қилди.
«Тўсатдан бегемот менга ўгирилди ва мен томонга югуриб кетди, — деди Серони журналистларга. — Мен унинг тўхтамаслигини тушундим ва тўқнашувга тайёрландим».
Ҳайвон машинага зарб билан урилди, сўнг ундан узоқлашиб кетди. Эшиклардан бири ва капотга шикаст етди. Бундан ташқари, автомобилда тиш излари қолди. Серони ўзини омади чопган деб ҳисоблайди: ёнбошдан берилган зарбадан машина жарга қулаши мумкин эди.
Изоҳ (0)