Facebook’да «Калашников» автоматини сочиб, сўнг йиғаётган ўзбек ўқувчи қизларининг видеоси пайдо бўлди. Видео Қозоғистонда олинган, бироқ қачон ва нима муносабати билан олингани аниқ эмас. Тахминларга кўра, видео мамлакатдаги ўзбек мактабларидан бирида ўтказилган тадбир вақтида олинган.
Дастлаб ўқувчи қизлардан бири «Калашников» автоматини 12 сонияда сочиб, сўнг атиги 20 сонияда қайта йиғди. Тадбирда ҳакамлик қилган ҳарбий «Калашников» қисмларини 25 сонияда йиғган киши норматив бўйича аъло баҳога лойиқлигини эслатиб ўтди.
Шундан сўнг, Мирраҳимова фамилияли бошқа бир ўқувчи қиз чиқиш қилган (ҳарбий уни «энг илғорлардан бири» дея таърифлаган). У автоматни 10 сонияда қисмларга ажратиб ташлади.
Хабар тузатилди: Хабарнинг дастлабки таҳририда видео Қирғизистонда олингани тахмин қилинган эди, бироқ «Дарё» муштарийлари воқеа Қозоғистонда бўлганига аниқлик киритди. Ноаниқлик учун узр, эътиборингиз учун ташаккур!
Диққат, диққат! «Дарё»нинг Telegram’даги расмий канали — «Тошқин ‘Дарйў»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)