Куба инқилоби етакчиси, марҳум Фидель Кастро 4 декабрь куни Сантьяго-де-Куба шаҳрида дафн этилди. У мамлакат қаҳрамони Хосе Марти мақбараси ёнидаги Санта-Ифигения қабристонига қўйилди, деб хабар беради «ТАСС».
Давлат кенгаши ва Вазирлар Кенгаши раиси, марҳум етакчининг укаси Рауль Кастро шаҳарда ташкил этилган митингда дафн маросими камтарин руҳда кечишини айтиб ўтган эди. Ўз навбатида, маҳаллий матбуот маросим «тантанали» ўтганини, лекин унга тор доира вакиллари таклиф этилганини маълум қилди.
Изоҳ (0)