Диего Марадона Куба инқилоби раҳбари Фидель Кастронинг дафн маросимида иштирок этиш учун 2 декабрь, жума куни Кубага учиб келди. Бу ҳақда «ТАСС» хабар бермоқда.
«Иккинчи отам, бизни тарк этаётган, бироқ ўзидан биз унутишимиз мумкин бўлмаган ёрқин мерос қолдираётган афсона ёнида бўлиш учун келдим. Куба энг буюк фуқароси ўлимидан сўнг заифлашади, деб ўйлаганлар адашади, аксинча, Куба янада кучлироқ бўлиши лозим», — дея таъкидлади собиқ футбол юлдузи маҳаллий давлат телевидениеси эфирида.
26 ноябрь куни Марадона Фидель Кастронинг ҳаётдан кўз юмгани ҳақидаги янгиликни шарҳлар экан, унинг ўлими санасини «мудҳиш кун» деб атаганди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)