АҚШнинг Princess Cruises круиз компанияси мамлакат расмийларига океанни ифлослантиргани ва буни яширишга ҳаракат қилгани учун 40 миллион доллар жарима тўлайди. Бу ҳақда «ТАСС» хабар бермоқда.
Компания бош муҳандиси ва унинг ёрдамчиси ҳужжатларни сохталаштириб, текширувчиларни алдаб, қўл остидагиларга расмийларга ёлғон кўрсатма беришни буюриб, бу ҳолатни яширишга ҳаракат қилган.
Тергов материаллари 2005 йилдан бери кема доимий тарзда океанга ифлослантирувчи ташланмаларни ноқонуний равишда тўкиб келганлигини кўрсатди. Princess Cruises’нинг бошқа тўрт кемасида ҳам экология меъёрларининг бузилиши қайд этилган, бироқ уларнинг кўлами анча кичик.
Компания раҳбарияти расман кечирим сўради ва жарима тўлашга рози бўлди. Шунингдек, бундай ҳолатлар такрорланмаслиги учун яқин 5 йил давомида Carnival’га тегишли барча круиз кемалари мунтазам равишда текшириб турилади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)