Япониянинг Хиросима шаҳридаги Тинчлик музейи шу йил мазкур мемориалга ташриф буюрган АҚШ президенти Барак Обамадан миннатдорлик мактуби олди. Бу ҳақда «ТАСС» хабар бермоқда.
Америка раҳбари ўз хатида, жумладан, Хиросимага берилган атом зарбаси оқибатлари яққол намойиш этилган китоб тақдим этилгани учун музейга ташаккур билдирди.
«Инсонлар ўтмишни тушунишга ҳаракат қилар ва раҳм-шафқат ҳисларига чулғанар экан, бизни ёруғ ва тинч келажак кутаётганига ишончим комил», — дейилади мактубда.
Обама Япониядаги Нагасаки қаторида АҚШ томонидан 1945 йилда атом бомбардимонига дуч келган икки шаҳардан бири — Хиросимага келган илк Америка президенти бўлди. Бироқ у атом зарбалари учун узр сўрамади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)