Trampning jamoasi Eron bilan bo‘lg‘usi yadro bitimi haqida munozaralarni boshladi

Eron bilan uning yadro dasturi haqida tuzilgan bitim chala bo‘lib, AQShning yangi saylangan prezidenti Donald Tramp va uning maslahatchilari Vashington ushbu bitim borasida nima qilishi kerakligi yuzasidan ichki muhokamalarga allaqachon kirishdi. Bu haqda AQShning navbatdagi vitse-prezidenti Maykl Pens ma’lum qildi, deb yozadi “TASS”.

Uning so‘zlariga ko‘ra, Trampning o‘tish jamoasi Eron bilan yadro kelishuvini qanday kelajak kutayotgani haqida “ichki munozaralarni boshlab bo‘lgan”. Bitimning o‘zini Pens “g‘oyatda chala” deb atadi. U “yangi saylangan prezident ushbu masalani nihoyatda puxtalik bilan ko‘rib chiqishi”ni ta’kidladi.

Pens aytishicha, Trampning yordamchilari ushbu muammoni hal qilish jarayonida unga “AQSh va uning eng qimmatli ittifoqdoshlari manfaatlarini birinchi o‘ringa qo‘yadigan” eng yaxshi variantlarni taklif qilish niyatida.