Куба инқилоби етакчиси, марҳум Фидель Кастронинг хокини олиб кетаётган мотам кортежи 2 декабрь куни эрталабки соатларда Куба марказидаги Камагуэй шаҳрида тўхтаганидан сўнг яна йўлга чиқди. Минглаб маҳаллий аҳоли вакиллари марҳум давлат раҳбари билан хайрлашиш учун шаҳар кўчаларига чиқди, деб хабар беради «ТАСС».
Кортеж тунни ўтказиш учун тўхтагач, Кастронинг хоки тунги соатларда Инқилоб майдонидаги меъморий комплекс асосидаги «Химагуаю» залида турди.
Кортеж 30 ноябрда Гаванадан йўлга чиққан эди. Сафарнинг якуний нуқтаси — Сантьяго-де-Куба бўлиб, 4 декабрь куни у ерда Кастронинг қолдиқлари ерга қўйилади.
Изоҳ (0)