International Hotel Tashkent меҳмонхонасининг Биллур залида Ўзбекистонда биринчи «Press-Club Elections.uz-2016» («Сайлов.уз-2016» пресс-клуби)нинг тантанали очилиш маросими бўлиб ўтди. Бу ҳақда тадбирда иштирок этган «Дарё» мухбири хабар бермоқда.
Пресс-клуб хорижий ва миллий ОАВ вакилларининг профессионал фаолияти учун халқаро стандартларга мос келадиган қулай инфратузилма ва шароитлар яратиш, интерфаол ахборот медиа майдони ташкил қилиш ва Ўзбекистон Республикаси Президенти сайловига тайёргарлик кўриш ва ўтказиш жараёнининг бориши тўғрисида холис контентни шакллантириш, халқаро кузатувчи ва экспертларни, шунингдек, медиа-ҳамжамият вакилларини республика эришган ютуқлар билан таништириш мақсадида нодавлат медиа-секторнинг мустақил вакиллари томонидан ташкил қилинди.
Мазкур лойиҳа ижтимоий-фуқаролик ташаббуси ҳисобланади. Бу мультимедиа майдони Ўзбекистон Электрон ОАВ Миллий ассоциацияси, Uzbekistan Today ахборот агентлиги, «Менинг Юртим» телеканали, «Sevimli-tv.uz» интернет-телеканали, Uzreport-ТВ телеканали, «Даракчи информ сервис», «Ўзбекистон кабель телевидениеси», «Пойтахт», «Водий садоси» радиостанциялари ва бошқалар томонидан ташкил этилди. Ўзбекистон Республикаси Ахборот технологиялари ва коммуникацияларини ривожлантириш вазирлиги лойиҳани техник жиҳатдан қўллаб-қувватлайди.
Изоҳ (0)