Жорий йил 28 ноябрь куни Давлат рақобат қўмитасида Япония халқаро ҳамкорлик агентлиги (JICA)нинг Ўзбекистондаги ваколатхонаси раҳбари жаноб Катсуоши Фушими билан учрашув бўлиб ўтди. Бу ҳақда қўмита матбуот хизмати хабар берди.
Учрашувда томонлар Ўзбекистонда корпоратив бошқарув тизими ва фонд бозорини ривожлантириш соҳалари бўйича истиқболдаги ҳамкорлик алоқаларини янада кенгайтириш масалаларини муҳокама қилди.
Шу жумладан, япониялик тажрибали мутахассис ва профессор ўқитувчилар иштирокида ўқув курсларини ташкил этиш ва курсларни муваффақиятли тамомлаган тингловчиларни Япониянинг етакчи компанияларига амалиёт ўташга юбориш имкониятлари кўриб чиқилди.
Ушрашув қатнашчилари Ўзбекистонда акциядорлик жамиятларида Корпоратив бошқарув кодексининг жорий этилиши билан боғлиқ ютуқларни эътироф этиб, корпоратив бошқарув тизимини янада такомиллаштириш бўйича галдаги вазифалар, яъни акциядорлик жамиятлари Кузатув кенгашларининг мустақил аъзолари ролини ошириш бўйича ўзаро тажриба алмашиш масаласини муҳокама қилди.
Шунингдек, Ўзбекистонда фонд бозорини янада ривожлантиш ва фонд бозорида инвестиция фондлари ролини ошириш истиқболда томонлар ўртасида ҳамкорликнинг муҳим йўналишларидан бўлиши мумкинлигини таъкидлаб ўтдилар.
Изоҳ (0)