«Реал» етакчиси Криштиану Роналду «Барселона»га қарши Испания чемпионати 14-тур ўйинида иштирок эта олади. Бу ҳақда, AS нашрига таяниб, «Чемпионат» хабар бермоқда.
«Реал»нинг «Спортинг Хихон»га қарши (2:1) ўйинидан кейин 31 ёшли футболчининг сон қисмида муаммо пайдо бўлгани ҳақида хабарлар тарқалди. Аммо 28 ноябрь куни португалиялик ҳужумчи ўзини яхши ҳис қилиб, умумий гуруҳ билан биргаликда шуғулланди.
Қайд этиш жоиз, Мадрид клуби устози Зинедин Зидан «Эль-Класико»да Гарет Бэйл хизматларидан фойдалана олмайди. Уэльслик футболчи «Спортинг»га қарши (2:1) ЕЧЛ 5-турида оёғидан жароҳат олганди. Катта эҳтимол билан у шу ҳафтада жарроҳ столига ётади.
«Барселона» ва «Реал» ўртасидаги навбатдаги «Эль-Класико» 3 декабрь куни «Камп Ноу» стадионида бўлиб ўтади. Учрашув Тошкент вақти билан соат 20:15 да старт олиши режалаштирилган.Маълумот учун, Испания чемпионати 13-туридан кейин «Қироллик клуби» 33 очко билан пешқадамлик қилмоқда, «Барселона» 27 очко билан 2-поғонага жойлашди.[playbuzz-item playbuzz_url="https://www.playbuzz.com/muhrima10/3-dekabrda-kim-g-alaba-qozonadi"]
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)