Италияга Шимолий Африка давлатларидан етиб келган ноқонуний муҳожирлар сони рекорд даража — 171 минг кишига етди. Бу ҳақда 29 ноябрь, сешанба куни The Guardian нашри маълум қилди, деб ёзади «Интерфакс».
Шу тариқа 2014 йилдаги рекорд янгиланди. Ўшанда мамлакатга 170 минг киши етиб келган эди.
Ўз навбатида, БМТнинг маълум қилишича, 2016 йилда Ўртаер денгизини кесиб ўтишга уриниш давомида 4,5 мингдан ортиқ муҳожир ҳалок бўлган ёки бедарак йўқолган. Бу кўрсаткич ҳам энг катта кўрсаткич ҳисобланади.
Италияга ноқонуний муҳожирлар оқими Греция ва Болқон орқали йўналишларнинг ёпилишидан сўнг ошди.
2015 йилда миллиондан ортиқ муҳожир Европага асосан Туркия орқали етиб келган эди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)