Хитойда 712 километрни ташкил этувчи дунёдаги энг узун ва ҳимояланган квант алоқаси линияси ишга туширилди. Уни ётқизишга 3 йил кетди, линия 11 та оралиқдаги бекатлардан иборат. Бу ҳақда «Корреспондент.net» хабар бермоқда.
Бекат Шарқий Хитойдаги Аньхой провинцияси маъмурий маркази Хэфэй шаҳрини Шанхай билан боғлайди. Линия Пекин ва Шанхай ўртасидаги қурилиши шу йил охирида якунланадиган квант алоқаси магистралининг тармоқларидан бири бўлиши билдирилмоқда.
Маълумот учун, электрон хабарлар квант криптографияси талаблари асосида кодлаштирилган ва тармоқ орқали узатилган тақдирда, уларга ноқонуний уланиш ҳамда мазкур маълумотни ўқишга бўлган ҳар қандай уриниш унинг ўзгаришига олиб келади. Натижада ноқонуний қўлга киритилган хабарни ўқиш мумкин бўлмайди, алоқа каналидаги шовқиндан эса линия ҳуқуқбузарлар ҳужумига дуч келганини англаш мумкин.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)