Покистонлик ҳарбийларнинг мунозарали Кашмир вилоятида ўқ узиши оқибатида камида 1 нафар ҳиндистонлик чегарачи ҳалок бўлди, яна 4 нафари жароҳат олди. Бу ҳақда The Times of India нашрига таяниб, «ТАСС» хабар бермоқда.
Хабарда қайд этилишича, покистонлик ҳарбийлар Кашмир вилоятини ажратиб турувчи Ражури секторидаги Жамму ва Кашмир штати назорат чегарасидан туриб ўқ узган. Ҳиндистон армияси жавоб ўқини узди. Покистон армиясидаги йўқотишлар ҳақида маълумот келтирилмаган.
Мазкур отишма ўқ узишни тўхтатиш келишуви бузилишининг 286-ҳолати бўлди. Назорат ҳудуди атрофида юз берган отишмалар оқибатида 26 нафар ҳиндистонлик, шу жумладан, 14 ҳарбий ҳаётдан кўз юмди.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)