Англиянинг «Манчестер Сити» жамоаси раҳбарияти ҳужумчи Лионель Мессини сотиб олиш учун «Барселона»га 200 миллион фунт (қарийб 230 миллион евро)га тенг таклиф тайёрламоқда. Бу ҳақда, Mirror нашрига таяниб, «ТАСС» хабар бермоқда.
Аргентиналик футболчи Хосеп Гвардиола бошқараётган жамоага ўца, ҳафтасига 500 минг фунт маош олиши мумкинлиги таъкидланмоқда.
Мессининг каталонияликлар билан амалдаги шартномаси 2018 йилнинг ёзига қадар мўлжалланган. Келишувга кўра, 29 ёшли футболчининг товон пули миқдори 250 миллион еврони ташкил этади.
Илгарироқ матбуотда аргентиналик футболчи «Барселона» билан келишув муддатини узайтирмасликка қарор қилгани ҳақида хабар тарқалди. Goal’нинг Мессига яқин бўлган манбаси бу ҳақиқат эмаслигини билдирди. Кейинроқ Месси Янги йил байрамидан сўнг каталонияликлар билан шартномасини узайтириш борасида музокара ўтказиши маълум қилинганди.
Бир муддат аввал Лионель Месси футболчилик фаолиятини ўзининг биринчи клуби – Аргентинанинг «Нюеллз Олд Бойз» клубида якунламоқчи экани ҳамда каталонияликлар билан янги шартнома имзоланса, у ерга кетиш имконини берувчи банднинг киритилишини истаётгани ҳақида хабар берилганди.Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)