Россиянинг «Лукойл» компанияси Ўзбекистондаги газ-конденсат конларининг Ҳисор гуруҳини ишлаб чиқиш бўйича лойиҳани молиялаштиришга 500 миллион доллар ҳажмида кредит жалб қилди, деб ёзади UzDaily компания пресс-релизига таяниб.
Таъминланмаган кредит тижорат банклари консорциуми томонидан тақдим этилган. Кредит уч ойлик LIBOR+3,0% ставка билан беш йил муддатга берилган.
«Жануби-Ғарбий Ҳисор» лойиҳаси бўйича табиий газ ишлаб чиқариш 2011 йил декабрида бошланган. У Жарқудуқ—Янги Қизилча блокидаги энг йирик конда йилига 1,1 миллиард кубометр газ қазиб чиқариш қуввати билан ишга тушган.
Изоҳ (0)