2010 йил ноябрда авиаҳалокат қурбони бўлган Польша президенти Лех Качиньский ва рафиқаси Мариянинг жасадлари эксгумация қилинади (суд-тиббиёт экспертизаси учун қабрдан ковлаб олинади). Бу ҳақда «РИА Новости» хабар берди.
Эр-хотин Качиньскийлар Краковнинг Вавель қасридаги саркофагга дафн этилган эди. Эксгумация 14 ноябрь, душанба куни кечки пайт уларнинг яқинлари ва руҳонийлар иштирокида бўлиб ўтади. Ўша куниёқ жасадлар Ягеллон университетининг Collegium Medicum суд тиббиёти муассасасига етказилади.
Жасадларни ўрганиш учун тўрт кун вақт кетиши тахмин қилинмоқда, қайта дафн маросими эса 18 ноябрга белгиланган.
Польша бош прокурори ўринбосари Марек Пашчонек аввалроқ авиаҳалокат қурбонларини эксгумация қилишга тиббий ҳужжатларда аниқланган хатолик туфайли зарурат туғилганини айтган эди.
Тўпланган ҳужжатларни ўрганиб чиқадиган халқаро экспертлар гуруҳи эксгумациядан сўнг тўрт ой давомида ҳисобот тузиши керак.
Бортида Польша президенти Лех Качиньский ва мамлакат раҳбарияти вакиллари бўлган Ту-154 самолёти 2010 йил 10 апрелда Россиянинг Смоленск аэродромига қўниш чоғида қулаган. Саккиз нафар экипаж аъзоси ва 88 йўловчининг барчаси ҳалок бўлган.
Изоҳ (0)