АҚШнинг янги сайланган президенти Дональд Трамп йилига 400 минг долларлик президент маошидан воз кечиб, бор-йўғи 1 доллар олишини маълум қилди, деб ёзади «Интерфакс».
«Мен ойлик олмоқчи эмасман, мен уни олмайман», — деди Трамп CBS телеканалига берган интервьюсида. У бу ҳақда сайловолди кампаниясидаёқ айтиб ўтганини эслатди. «Қонун бўйича йилига 1 доллар олсам керак, деб ўйлайман», — деди у.
Трампнинг баёноти 8 ноябрдаги президентлик сайловлари натижалари эълон қилинганидан буён давом этаётган норозилик акциялари фонида янгради. Қатор йирик шаҳарларда одамлар кўчаларга чиқиб, сайланган президентни ирқчилик, жинсий айирмачилик, милитаризм ва бошқаларда айблади.
Трамп намойишчиларга мурожаат қилиб, уларни ундан қўрқмасликка чақирди. У сиёсий майдонда ўзини яхши тутишга ваъда берди.
Изоҳ (0)