«Толибон» ҳаракати жангариларининг Мозори Шарифдаги Германия элчихонасига ҳужуми натижасида яраланган 120 дан ортиқ киши орасида Тожикистондаги Афғонистон элчиси ҳам борлиги маълум бўлди, деб ёзади «ТАСС».
Портловчи моддалар билан тўлдирилган автомобиль элчихонани ўраб турган деворга бориб урилган. Сўнг дипломатик ваколатхона яқинида ва унинг ҳудудида жанговар ҳаракатлар юз берди.
«Толибон» ҳаракати ушбу теракт АҚШнинг Қундуз провинциясига берган авиазарбаси учун қасос эканлигини маълум қилди, ўшанда 30 дан ортиқ тинч аҳоли вакиллари ҳалок бўлган эди.
DPA агентлиги хабарига кўра, толибларнинг бош элчихонага ҳужуми оқибатида тўрт киши ҳалок бўлди, яна 120 га яқини яраланди. Ҳалок бўлганларнинг барчаси — Афғонистон фуқаролари.