Нафақадаги судья бўлмиш британиялик эркак Боливияда гейзерларни (қайноқ сув манбаларини) видеотасвирга олиш чоғида қайнаб турган лойга йиқилиб ҳалок бўлди. Бу ҳақда, The International Business Times нашрига асосланиб, «Интерфакс» хабар бермоқда.
71 ёшли нафақахўр судья Род Китс Жанубий Америкада уч ҳафталик сафар билан бўлиб турган эди. У гейзерларни суратга олиш билан банд эди.
5 ноябрь куни эркак қайноқ манбага жуда яқин келди. Унинг оёғи остидаги юпқа қаттиқ ер қатлами эркакнинг оғирлигига дош бера олмай, ўпирилди, бунинг оқибатида эркак қайнаб турган лой ичига кириб кетди.
Унинг қичқириғини эшитган яқин атрофдаги бошқа туристлар етиб келди, аммо оғир жароҳатлар олган Китс шифохонага етиб бормай оламдан ўтди.
Изоҳ (0)