Nafaqadagi sudya bo‘lmish britaniyalik erkak Boliviyada geyzerlarni (qaynoq suv manbalarini) videotasvirga olish chog‘ida qaynab turgan loyga yiqilib halok bo‘ldi. Bu haqda, The International Business Times nashriga asoslanib, “Interfaks” xabar bermoqda.
71 yoshli nafaqaxo‘r sudya Rod Kits Janubiy Amerikada uch haftalik safar bilan bo‘lib turgan edi. U geyzerlarni suratga olish bilan band edi.
5-noyabr kuni erkak qaynoq manbaga juda yaqin keldi. Uning oyog‘i ostidagi yupqa qattiq yer qatlami erkakning og‘irligiga dosh bera olmay, o‘pirildi, buning oqibatida erkak qaynab turgan loy ichiga kirib ketdi.
Uning qichqirig‘ini eshitgan yaqin atrofdagi boshqa turistlar yetib keldi, ammo og‘ir jarohatlar olgan Kits shifoxonaga yetib bormay olamdan o‘tdi.
Izoh (0)