Ҳиндистон бош вазири Нарендра Моди фуқароларга телевидение орқали мурожаатида маблағдан ноқонуний фойдаланиш ва терроризмга қарши кураш мақсадида мамлакатда 500 ва 1000 рупий номиналидаги купюралар бекор қилинишини билдирди. Бу ҳақда «РБК» хабар бермоқда.
Мазкур купюралар 8 ноябрь, ярим тундан сўнг тўлов воситаси сифатидаги кучини йўқотди. 9 ноябрь, чоршанба куни мамлакатдаги барча банклар ёпилади. Истисно тариқасида купюралар билан 11 ноябргача давлат касалхоналарида ҳисоб-китоб қилса бўлади. Шунингдек, 500 ва 1000 рупийни банклар ёки почта бўлимларида 30 декабргача алмаштириш мумкин.
Моди яқин орада 500 ва 2000 рупий номиналидаги янги купюралар муомалага киритилишини маълум қилди.
Маълумот учун, 1000 рупий жорий курс бўйича тахминан 15 долларга тенг эди.
Изоҳ (0)