АҚШ президенти лавозимига Республикачилар партиясидан номзод Дональд Трампнинг ўғли Эрик Трамп ўз Twitter’ида сайлов варақаси суратини эълон қилди. У овоз берган Нью-Йорк штати қонунларига кўра, бу қонунбузарлик ҳисобланади, деб ёзади «ТАСС» ABC телекомпаниясига таяниб.
«Отам учун овоз бериш мисли кўрилмаган шарафдир! У АҚШ учун жуда катта ишларни амалга оширади», — дея Эрик суратга изоҳ келтирди. Аммо твит тезда ўчириб ташланди.
Телеканал таъкидлашича, Нью-Йорк штатида тўлдирилган сайлов варақаси (бюллетен)ни суратга олиш мумкин эмас, бу қоидабузарлик ҳисобланиб, 1 минг доллар миқдоридаги жарима билан жазоланади.
Изоҳ (0)