Германия канцлери Ангела Меркель Дональд Трампни АҚШ президенти сайловида ғалаба қозонгани билан табриклади. Бу ҳақда, Deutsche Welle нашрига асосланиб, «Ведомости» хабар бермоқда.
Меркель хоним сайловолди кураши ҳамда у келтириб чиқарган қарама-қаршилик тугаганидан хурсандлигини айтиб ўтди, шунингдек, Трампга яқиндан ҳамкорлик қилишни таклиф этди.
«Германия ва АҚШни умумий қадриятлар — демократия, эркинлик, инсон ҳуқуқлари ва қадр-қимматига ҳурмат бирлаштириб туради. АҚШнинг бўлажак президенти Дональд Трампга шу қадриятлар негизида яқиндан ҳамкорлик ўрнатишни таклиф қиламан», — маълум қилди Меркель.
Изоҳ (0)