Tesla 2017 йилдан бошлаб ўзи ишлаб чиқарган электромобиллар эгаларининг компанияга қарашли қувватлантириш станцияларидан бепул фойдаланишини тўхтатади. Бу ҳақда компания томонидан тарқатилган баёнотда маълум қилинди, дея хабар беради «ТАСС».
Мазкур баёнотга кўра, 2017 йил январидан кейин буюртма қилинган барча Tesla автомобиллари эгалари 400 киловатт-соат (1,6 минг километр ҳаракатланиш учун етади) бепул қувватлантириш учун махсус карталар олади. Ушбу лимит тугагандан сўнг мижозлар машинасини қувватлантиргани учун ҳақ тўлашига тўғри келади. Хизмат ҳақи миқдори ҳозирча маълум қилинмади.
Шу билан бирга, жорий йил охиригача Tesla автомобилларини харид қилишга улгурганлар келгусида қувватлантириш станцияларидан фойдалангани учун пул тўлаши кўзда тутилмаган.
Маълумот учун, ҳозирда дунё бўйича компаниянинг 730 дан ортиқ қувватлантириш станциялари фаолият кўрсатмоқда. Улардан аксарияти АҚШда жойлашган. Станцияда ярим соат атрофида қувватланиш билан автомобиль тахминан 270 километр юриши мумкин.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)