Дублинда (Ирландия) октябрь охирида бўлиб ўтган 37-марафонда журналистлар Эйфель минораси нусхасини кийиб олган кекса спортчига эътибор қаратди. Маълум бўлишича, унинг исми-шарифи Мишель Бах бўлиб, мусобақаларда иштирок этиш учун махсус Париждан келган ва марафон бобида 30 йиллик тажрибага эга. Бу ҳақда «Вести.ru» хабар бермоқда.
Ўттиз йил давомида француз 200 дан ортиқ, жумладан, Нью-Йорк, Непал ва Париж марафонларида иштирок этган. Шунингдек, Бах Афина ва Спарта оралиғида 36 соат давом этган 246 километрлик «Спартатлон» югуриш турнирида қатнашган.
Эйфель минораси нусхасини кекса спортчи оломондан ажралиб туриш ва ўзининг келиб чиқишини таъкидлаш учун вақти-вақти билан кийиб туради.
Изоҳ (0)