Ленинград ҳайвонот боғида жаҳондаги энг кекса жирафалардан бирининг 35 га тўлиши нишонланади

Ленинград ҳайвонот боғида яшовчи Луга лақабли жирафа 31 октябрь куни 35 ёшга тўлади. Бу ҳақда «Интерфакс» хабар бермоқда.

Хабар беришларича, жирафаларнинг ҳайвонот боғидаги умр давомийлиги ўртача 25 йилни ташкил этади, табиий шароитларда эса ундан ҳам камроқ. Шу сабабли Луганинг 35 ёшга тўлиши — ўзига хос воқеа.

«Ҳозирги вақтда Лугани жаҳон ҳайвонот боғларида яшаётган энг кекса жирафа деб тахмин қилиш учун асослар бор», — дейди ҳайвонот боғи матбуот хизмати вакиллари.

Бутун умр Ленинград ҳайвонот боғида яшаган Луганинг туғилган куни 4 ноябрь куни нишонланиши кутилмоқда.

Луга 1981 йилда, Малчик ва Нева лақабли жирафалар жуфтлигидан дунёга келган. Ҳозирги вақтда у Ленинград ҳайвонот боғида Sonyа лақабли қизи билан бирга ҳаёт кечирмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.