Стивен Жеррарднинг қариндоши уч йиллик қочқинликдан сўнг полицияга таслим бўлди

«Ливерпуль» футбол клуби ва Англия терма жамоаси собиқ ярим ҳимоячиси Стивен Жеррарднинг қариндош акаси Роберт Жеррард уч йил қочқинликдан сўнг, полицияга таслим бўлди. Бу ҳақда «ТАСС» хабар бермоқда.

Роберт Жеррард айбига иқрор бўлиб, Манчестер шаҳри полициясига келган ва уни шу ерда ҳибсга олишган.

У Буюк Британияга кокаин етказиб бериш билан шуғулланган уюшган жиноий гуруҳга алоқадорликда айбланмоқда.

53 ёшли Роберт Жеррарднинг айтишича, у қочиб юришдан чарчаган, шу сабабли ҳам таслим бўлишга қарор қилган.

Унинг суди 23 ноябрь куни Манчестерда бўлиб ўтиши кутилмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.