«Kassa.uz» — концертга чиптани интернет орқали сотиб ол!

Қулай «Kassa.uz» хизмати концерт-томоша тадбирларига электрон чипта сотиб олиш имконини беради.

Узнетда концерт ёки театр томошасига чипталарни интернет орқали сотиб олиш имконини берувчи қулай сервис ишга тушди. Энди навбатда туриш, йўлга вақт сарфлаш ёки хафсалани пир қиладиган «Чипта қолмади!» деган гапни эшитишга ҳожат йўқ. Kassa.uz’да саноқли дақиқалар ичида спектакл ёки концертга чипта танлаб, уни сотиб олиш мумкин.

Онлайн чипталарни сотиб олиш жараёни жуда ҳам оддий: спектаклни танлаш, томоша залидаги ўринни белгилаш (агар томоша партерда қўйилса, бўш ўринлар кўк ранг билан, агар амфитеатрда бўлса, қизил ранг билан ажратиб кўрсатилади), «Сотиб олиш» деб ёзилган яшил тугмани босиш, буюртмани расмийлаштириш шаклини тўлдириш ва тўловни тасдиқлаш керак, холос.

Тизим сиздан пластик картангиз рақамини кўрсатишни сўради, тўлов ўтганидан сўнг электрон почта манзилингизга электрон чипта билан бирга хабарнома келади. Босмадан чиқариб олинган электрон чиптани театр ёки концерт зали кассасида кўрсатсангиз, сизга классик (ҳақиқий) чипта тақдим этилади.

«Kassa.uz» орқали Марк Вайлнинг «Илҳом» театрига, Қўғирчоқ театрига, Давлат циркига, КВНга, бизнес-тренинг ва бошқа кўплаб тадбирларга чипта сотиб олиш мумкин. Яқин вақт ичида фойдаланувчиларда Тошкентдаги аксарият спектакллар, концерт дастурлари, кинопремьералар ва спорт мусобақалари чипталарини сотиб олиш имкони пайдо бўлади. Сервис сайтининг ўзбек тилидаги муқобили ҳам бор.

Реклама ҳуқуқи асосида