Чимён ва Қамчиқда қор ёғди, Нукусда ҳаво ҳарорати -8 даражагача совиди

24 октябрь куни кундузи ва 25 октябрга ўтар кечаси Ўзбекистоннинг фақат айрим тоғли ҳудудларида, хусусан Чимён ён-бағирларида ва Қамчиқ довонида бироз қор ёғган. «Ўзгидромет» ахборотига кўра, мамлакатнинг бошқа ҳудудларида ёғингарчилик кузатилмаган.

24 октябрь куни Ўзбекистон вилоят марказлари ва йирик шаҳарларида ҳаво ҳароратининг энг юқори даражаси шундай бўлган: Нукус, Урганчда +4 даража, Бухоро, Жиззахда +8 даража, Тошкентда +9 даража, Навоий, Гулистон, Андижонда +10 даража, Фарғонада +11 даража, Самарқанд, Наманганда +12 даража, Қаршида +13 даража, Термизда +17 даража илиқ.

25 октябрга ўтар кечаси Ўзбекистон вилоят марказлари ва йирик шаҳарларида ҳаво ҳароратининг энг паст даражаси шундай бўлган: Нукусда -8 даража, Урганчда -5 даража, Навоийда -2 даража, Бухорода -1 даража совуқ, Қарши, Термизда 0 даража, Тошкент, Самарқанд, Жиззах, Гулистонда +2 даража, Наманганда +5 даража, Андижон, Фарғонада +6 даража илиқ.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.