Россия ҳаво-десант қўшинлари (ҲДҚ) Африкада илк бор бешта «БМД-2» десант жанговар машинаси ва битта «БТР-Д» зирҳли транспортёрини десант қилиб туширди. «РБК» хабарига кўра, десант тушириш «Ил-76МД» самолёти ёрдамида 600 метр баландликдан туриб амалга оширилган.
Россия ҲДҚ Мисрда маҳаллий армия билан ҳамкорликда ташкил этилган «Дўстлик ҳимоячилари — 2016» аксилтеррор ўқув-машғулотлари доирасида десант туширган. Айни вақтда, Миср ҳарбийлари S-130 Hercules самолётидан иккита жипни десант қилиб туширган.
Маълумот учун, Миср ва Россия ҳарбийларининг биргаликдаги аксилтеррор ўқув-машғулотлари 15 октябрь куни бошланган ва 26 октябрга қадар давом этади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)