Мосул яқинидаги авиаҳужум оқибатида бир оиланинг 8 аъзоси ўлдирилди

Халқаро коалициянинг Ироқнинг Мосул шаҳри яқинидаги авиаҳужуми оқибатида бир оиланинг 8 нафар аъзоси ўлдирилди. Бу ҳақда «ТАСС» хабар бермоқда.

Al Jazeera телеканалига кўра, ҳужум АҚШ ҳарбий самолётлари томонидан амалга оширилган. Ҳодиса тафсилотлари ҳозирча маълум эмас.

Эслатиб ўтамиз, олдинроқ Пентагон АҚШ бошчилигидаги халқаро коалиция Ироқнинг Дакук аҳоли пунктидаги мотам маросимига зарба берганини инкор этганди. Россия Мудофаа вазирлиги мазкур ҳужум оқибатида ўнлаб тинч аҳоли вакили, жумладан, аёллар ва болалар ҳалок бўлганини билдирган.