Ватикан нуфузли мусулмон академияларидан бири — Қоҳирадаги ал-Азҳар университети билан алоқаларни тиклашга тайёргарлик кўрмоқда. Мулоқот 2017 йил апрелида бошланиши кутилмоқда, деб хабар беради «Интерфакс».
AP маълумотига кўра, томонларнинг мазкур масаладаги дастлабки музокаралари дам олиш кунлари Қоҳирада бўлиб ўтади.
Ватикан ва ал-Азҳар ўртасидаги муносабатлар 2011 йили, Мисрдаги коптлар черковига ҳужумдан сўнг Рим папаси Бенедикт XVI мамлакат расмийларини насронийлар хавфсизлигини таъминлашга чақирганидан сўнг бузилганди. Шундан сўнг университет Ватикан билан алоқаларни узди ва папани исломга салбий муносабатда айблади.
Маълумот учун, шу йил май ойида Рим папаси Франциск ва ал-Азҳар бош имоми Аҳмад ал-Тайёб Ватиканда учрашган ҳамда зўравонлик ва терроризмга қарши курашни муҳокама этганди. Учрашув чоғида папа имомни бағрига босди, уларнинг суҳбати ярим соат атрофида давом этди. Икки диний арбоб ҳам ушбу учрашувнинг католик черкови ва ислом ўртасидаги мулоқот учун аҳамиятини таъкидлади.
Изоҳ (0)