Актриса Асал Шодиева Instagram’даги саҳифасида турмуш ўртоғи — хонанда Шоҳруххон билан бирга тушган ва монтаж дастури ёрдамида қайта ишланган ҳажв-суратини эълон қилди.
Унда Шоҳруххон қўрқинчли қора кўзойнак таққани, вампирларникига хос «тишлари» яққол тўла кўриниб турганини, Асал Шодиеванинг бурни эса Буратиноникидек узун, қошлари эса қоп-қора қалин қилинганини кўриш мумкин.
«Эримнинг ижод маҳсули... Шундай бурним бўлишини ҳар доим орзу қилардим», — деб суратга изоҳ қолдирган Асал Шодиева.
Фойдаланувчилардан бири: «Шоҳруххон охирги вақтларда кўпроқ мультфильм кўраяпти, шекилли», — деб ёзган. Ҳақиқатан ҳам, Шоҳруххоннинг Instagram’даги саҳифасида эълон қилинган унинг дўсти билан тушган сурати ҳам шундай монтаж қилинган.
Монтаж қилинмаган суратлар ҳам бор: Шоҳруххоннинг саҳифасида Асал Шодиева томонидан олинган селфи эълон қилинган бўлиб, унда хонанданинг машина ичида ҳордиқ чиқараётганига гувоҳ бўлиш мумкин.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)