Халқ демократик партияси Ҳотамжон Кетмонов номзодини рўйхатга олиш учун Марказий сайлов комиссиясига ҳужжатлар топширди

Ўзбекистон Халқ демократик партиясининг ваколатли вакиллари 21 октябрь, жума куни Марказий сайлов комиссиясига Ўзбекистон Республикасига Президентлигига номзоди ҳужжатларини топширди. Бу ҳақда «Дарё»га Ўзбекистон Республикасига Президенти сайловини ёритиш бўйича Республика матбуот маркази маълум қилди.

Тадбирда комиссия аъзолари, сиёсий партиялар ҳамда ОАВ вакиллари иштирок этди.

Марказий сайлов комиссияси тақдим этилган ҳужжатларни бир ҳафта мобайнида текшириб чиқади ва уларнинг қонунга мувофиқлиги туғрисида хулоса беради.

Комиссияда имзо варақалари тўғри тўлдирилганлигини текшириш бўйича экспертлар гуруҳи ташкил этилган бўлиб, унинг таркибига комиссия аъзолари, жамоат ташкилотларининг вакиллари, ички ишлар, адлия идоралари мутахассислари киритилган.

Эслатиб ўтамиз, Ўзбекистон Халқ демократик партиясининг 2016 йил 14 октябрь куни ўтказилган Х қурултойида партия марказий кенгаши раиси, Олий Мажлис Қонунчилик палатасидаги партия фракцияси раҳбари Ҳотамжон Кетмонов Ўзбекистон Президентлигига номзод этиб тасдиқланганди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.