Ўзбекистон Республикаси Бош вазирининг биринчи ўринбосари Рустам Азимов 2016 йилнинг 20 октябрь куни Хитой Давлат кенгашинининг ўринбосари Чжан Гаоли билан музокаралар ўтказди. Бу ҳақда «Синьхуа» ахборот агентлигига таяниб, UzDaily хабар берди.
Чжан Гаолининг қайд этишича, Хитой Ўзбекистон билан алоқаларга катта эътибор қаратади. Унинг таъкидлашича, Хитой Халқ Республикаси раҳбари Си Цзиньпин Ўзбекистон раҳбарияти билан дўстона ва яқин алоқада.
Гаоли яна шуни қўшимча қилдики, Хитой ва Ўзбекистон раҳбарияти мамлакат етакчиларининг келишувларини амалга оширишлари лозим ҳамда ҳамкорликни юқори сифатли ишлаб чиқариш қувватлари, инфратузилма ва энергоресурс объектларининг қурилиши каби йўналишлар бўйича ривожлантиришлари керак.
Рустам Азимов Ўзбекистон Республикасига беғараз ёрдам бераётгани учун Хитой ҳукуматига ўз миннатдорчилигини билдирди.
Изоҳ (0)