Германия транспорт вазирлиги электромобиллар ишлаб чиқарувчи Tesla Motors компаниясидан истеъмолчиларни чалғитмаслик учун ўзининг реклама кампаниясида «автопилот» атамасини қўлламасликни сўради. Бу ҳақда «Интерфакс» хабар бермоқда.
«Истеъмолчилар ўртасида тушунмовчилик келтириб чиқармаслик ва беҳуда ишониб қолмасликлари учун мазкур функция рекламасида ‘автопилот’ атамасини қўлланмаслигини талаб қиламиз», — дейилади вазирлик мактубида.
Германия автотранспорт федерал бошқармаси 14 октябрь, жума куни Tesla автомобили эгаларига йўлларда жиддий хавф туғдираётгани сабабли автопилот функциясидан ўта эҳтиёткорлик билан фойдаланиш ҳақида огоҳлантирув жўнатди.
Маълумот учун, Tesla компанияси ҳам бир неча бор автопилот ҳайдовчи ўрнини босмаслиги, ушбу функциядан фойдаланганда қўлни рулдан олмаслик ва ҳушёрликни бой бермаслик ҳақида огоҳлантирганди.
Изоҳ (0)