Шаҳар узра учиб ўтаётган Тоторо: Ghibli студияси персонажлари — ҳаётнинг ҳақиқий манзараларида

Жанубий кореялик рассом Kojer Япониянинг Ghibli анимацион фильмлар студияси қаҳрамонларини бир видеога жамлаб, уларнинг барчасини ҳақиқий ҳаёт манзараларига жойлаштириб чиқди, дея хабар бермоқда Meduza.

Роликда «Сэн ва Тихиронинг сирли равишда ғойиб бўлиши»даги Тихиронинг метрода кетаётгани, шаҳар устидан Тоторо учиб ўтаётганини, «Жодугарнинг етказиб бериш хизмати» қаҳрамонлари велосипедда сайр қилаётгани, Мушукбус эса далаларда сакраб юрганини кўриш мумкин.

Маълумот учун, шу йил кузда Amazon’нинг стриминг сервисида Астрид Линдгреннинг «Қароқчининг қизи Рони» китобига асосланиб Ghibli студияси томонидан суратга олинган телесериал пайдо бўлиши кутилмоқда.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.