Россия президенти Владимир Путин АҚШ президентлигига номзод бўлган ҳар қандай шахс билан учрашишга тайёр. Бу ҳақда Кремль расмий вакили Дмитрий Песков баёнот берди, деб хабар қилади «ТАСС».
Илгарироқ АҚШ президентлигига номзод Дональд Трамп сайловда ғалаба қозонган тақдирда инаугурациядан олдинроқ Россияга ташриф буюриши мумкинлиги ҳақида баёнот берганди. Песков журналистлар билан мулоқот чоғида унинг сўзларига изоҳ берди.
«Президент Путиннинг икки томонлама муносабатлар ва мулоқотни ривожлантиришни ёқлаб чиқадиган ҳар қандай номзод билан учрашишга тайёрлиги ҳақидаги сўзларини эслатиб ўтмоқчи эдим. Москва мулоқот олиб боришга қаратилган ҳар қандай ниятга ижобий муносабатда бўлади», — таъкидлади у.