Баҳрайн мезбонлигида ўтаётган футбол бўйича ёшлар ўртасидаги Осиё Чемпионатининг «B» ва «C» гуруҳларида 2-тур ўйинларига якун ясалди.
Турнирни КХДР ёшларини 2:1 ҳисобида мағлуб этиш билан бошлаган Вьетнам термаси, бу сафар БААдан 1 очко тортиб олишга муваффақ бўлди — 1:1. Вьетнам 2-турдан кейин 4 очко билан гуруҳда иккинчи бўлиб турибди.
Ироқ терма жамоаси эса илк турда БААни 1:0 ҳисобида мағлуб этганди. Бу сафар ироқликлар КХДРга имконият қолдирмади — 4:0. Бу борада Ироқ Осиё Чемпионатидаги энг яхши натижани қайд этиб турибди.
Қайд этиш керак, яқиндагина якунига етган ўсмирлар ўртасидаги Осиё Чемпионати ҳам Ироқнинг чемпионлиги билан эсда қолганди.
Осиё Чемпионати—У19 «B» гуруҳи. 2-тур 17 октябрь, душанба
Вьетнам — БАА 1:1Ироқ — КХДР 4:0
«C» гуруҳида Эрон терма жамоаси қаторасига иккинчи турда ҳам очко йўқотди. Турнирни Қатар билан 1:1 ҳисобидаги дурангдан бошлаган Эрон ёшлари, бу сафар Япония билан муросага рози бўлди — 0:0.
Куннинг иккинчи ўйинида Қатар термаси Яман устидан 1:0 ҳисобида зафар қучди. 2-турдан кейин Япония ва Қатар ҳисобида 4 тадан, Эронда эса 2 очко бор. Сўнгги турда Япония ва Қатар ўзаро1 тадан ортиқ голли дуранг ўйнаса, Эрон мусобақадан чиқиб кетади.
Осиё Чемпионати—U19 «C» гуруҳи. 2-тур 17 октябрь, душанба
Эрон — Япония 0:0Яман — Қатар 0:1
Осиё Чемпионатининг «D» гуруҳида иштирок этаётган Ўзбекистон терма жамоаси 2-турни 18 октябрь куни Австралияга қарши ўтказади.
Изоҳ (0)