Bahrayn mezbonligida o‘tayotgan futbol bo‘yicha yoshlar o‘rtasidagi Osiyo Chempionatining “B” va “C” guruhlarida 2-tur o‘yinlariga yakun yasaldi.
Turnirni KXDR yoshlarini 2:1 hisobida mag‘lub etish bilan boshlagan Vyetnam termasi, bu safar BAAdan 1 ochko tortib olishga muvaffaq bo‘ldi — 1:1. Vyetnam 2-turdan keyin 4 ochko bilan guruhda ikkinchi bo‘lib turibdi.
Iroq terma jamoasi esa ilk turda BAAni 1:0 hisobida mag‘lub etgandi. Bu safar iroqliklar KXDRga imkoniyat qoldirmadi — 4:0. Bu borada Iroq Osiyo Chempionatidagi eng yaxshi natijani qayd etib turibdi.
Qayd etish kerak, yaqindagina yakuniga yetgan o‘smirlar o‘rtasidagi Osiyo Chempionati ham Iroqning chempionligi bilan esda qolgandi.
Osiyo Chempionati—U19 “B” guruhi. 2-tur 17-oktabr, dushanba
Vyetnam — BAA 1:1Iroq — KXDR 4:0
“C” guruhida Eron terma jamoasi qatorasiga ikkinchi turda ham ochko yo‘qotdi. Turnirni Qatar bilan 1:1 hisobidagi durangdan boshlagan Eron yoshlari, bu safar Yaponiya bilan murosaga rozi bo‘ldi — 0:0.
Kunning ikkinchi o‘yinida Qatar termasi Yaman ustidan 1:0 hisobida zafar quchdi. 2-turdan keyin Yaponiya va Qatar hisobida 4 tadan, Eronda esa 2 ochko bor. So‘nggi turda Yaponiya va Qatar o‘zaro1 tadan ortiq golli durang o‘ynasa, Eron musobaqadan chiqib ketadi.
Osiyo Chempionati—U19 “C” guruhi. 2-tur 17-oktabr, dushanba
Eron — Yaponiya 0:0Yaman — Qatar 0:1
Osiyo Chempionatining “D” guruhida ishtirok etayotgan O‘zbekiston terma jamoasi 2-turni 18-oktabr kuni Avstraliyaga qarshi o‘tkazadi.
Izoh (0)