Авиадвигателлар ишлаб чиқаришга ихтисослашган «ОДК – ПМ» заводи деворида «Очиқ осмон остидаги авиамузей» номли арт-объект пайдо бўлди. Бу ҳақда TJournal хабар бермоқда.
Граффитини чизиш 2015 йилда бошланган эди. Рассомлар двигателлари ва редукторлари Пермда ишлаб чиқарилган барча турдаги учар қурилмаларнинг суратларини чизиб чиққан. Қарийб уч минг квадрат метр майдонда авиация тарихи ва завод тақдирида рол ўйнаган объектлар тасвирланган.
«Авиамузей»дан «И-16», «Ла-5», «Ла-5ФН» қирувчилари, «Су-2», «Ту-2» бомбардимончилари ва бошқа кўплаб самолётлар ўрин олган. Лойиҳа рассоми Алексей Шчигалёвнинг айтишича, асосий эътибор самолётларнинг аслига тўғри бўлишига қаратилган.
Завод матбуот хизматининг маълум қилишича, бу объект бўёқ баллончалари ёрдамида чизилган энг катта сурат сифатида Гиннеснинг рекордлар китобидан ўрин олиши мумкин.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)